Мексик гаралтай зурагчин Алехандро Приетогийн буулгасан, Америк-Мексикийн хилийн зурвас дагуулан барьсан хананы наана суугаа шувууны зураг нэгэн алдартай фото зургийн тэмцээнд түрүүлжээ. Тус тэмцээнд нийт 22000 хүн оролцоод байснаас тийнхүү Алехандрогийн зураг тэргүүн байранд шалгарсан байна.
Тэрээр зурагтаа Америк-Мексикийн хилийн дунд босгосон хана амьтдын био тархалтад учруулж байгаа хөнөөлийг буулгахыг зорьсноо тайлбарлажээ.
Тус хоёр улсын хилийн зурвас нь ердийн нэг зурвас биш бөгөөд Америк тивд амьдардаг амьтад, шувууд нутаг сэлгэдэг чухал эко тогтолцоо бүхий газар юм.
Тухайн бүсэд хар баавгай, ягуар зэрэг олон амьтад генетикийн хувьд ялгаатай төрөл зүйлтэйгээ хурьцаж, үр төлөө үржүүлэхээр жилдээ хэд хэдэн удаа хил дамнан нутагладаг ажээ.
Тийнхүү Алехандро Прието энэ оны шувууны шилдэг зурагчнаар тодорч, 5000 фунтийн шагнал хүртсэн юм.
Эх сурвалж: BBC