Мягмар гарагт Их Британийн Батлан хамгаалах яамнаас 250 афгани хэлмэрчийн оршин суугаа хаягийг цахим шуудангаар санамсаргүй задруулсан хэрэгт уучлал хүсжээ.

Хэргийн учир нь тэдгээр хэлмэрчдийн хаяг нууцын зэрэглэлд хамаарах материал байсан бөгөөд зарим нь Талибан бүлэглэлээс эмээхдээ нуувчид байсан хүмүүс юм.

Улмаар Их Британи улсын афгани ардыг нүүлгэн шилжүүлэх, тусламж үзүүлэх бодлогын хорооноос 250 хүний нэр бүхий материалыг санамсаргүйгээр шуудангаар илгээж, 30 минутын дараа тэдгээр хүмүүсийн хаяг халдлагад өртсөн байж болзошгүй гэсэн анхааруулга бүхий шууданг ч илгээжээ.

Тэгвэл Батлан хамгаалах яамнаас мэдээлснээр хэргийн хүрээнд мөрдөн шалгах ажиллагааг эхлүүлсэн гэнэ. Мөн тэдний зүгээс энэ төрлийн хэрэг дахин гарахгүй байхад онцгой анхаарах болохыг мэдэгджээ. Тус яамны сайд Бен Уоллес хэрэг нь компьютерын бус хүний алдаанаас улбаатай болохыг дурдсан байна.

Эх сурвалж: Fox News