Швейцар улс ижил хүйстнүүдийн гэрлэлтийг хуулиар зөвшөөрөөгүй барууны цөөн хэдхэн улсын нэг байсан юм. Тэгвэл тус улсын засгийн газраас шинэ хуулийг 64 хувийн саналаар дэмжиж, ижил хүйстнүүдийн гэрлэлтийг хуулийн хүрээнд хүлээн зөвшөөрчээ.
Тус хууль батлагдсанаар ижил хүйстнүүд хууль ёсоор гэрлэлтээ батлуулж, гэр бүлээр бүртгүүлэх эрхтэй болох бөгөөд мөн хүүхэд үрчилж авах эрхтэй болох гэнэ. Түүнчлэн хэрэв хосууд лесби бол эр бэлгийн эсийн хандивын тусламжтай үр тогтоолгож болох юм. Энэхүү үр тогтоолгох арга өмнө нь зөвхөн гетеро гэр бүлүүдэд л хүлээн зөвшөөрөгддөг байжээ.
Шинэ хуулийн хүрээнд гэрлэлтээ батлуулах гэж буй хосуудын аль нэг нь Швейцар улсын иргэн биш болбоос иргэншил олгох асуудал ч хөндөгдөх гэнэ.
Тийнхүү шинэ хууль ирэх оны зургадугаар сарын нэгний өдрөөс эхлэн хэрэгжих ажээ.
Эх сурвалж: The Hill