Амазон компани ирэх оны нэгдүгээр сарын 19-ний өдрөөс эхлэн Их Британи улсад бүртгэлтэй зээлийн VISA картаар гүйлгээ хийхгүй болохоо мэдэгджээ. Тэдний зүгээс энэхүү шийдвэр нь тэдгээр картууд хэт өндөр гүйлгээний шимтгэл тооцдогтой холбоотой гэж мэдэгдсэн юм. Харин зээлийн бус ердийн дебит VISA картуудаар гүйлгээ хийхийг зөвшөөрөх гэнэ.
Амазон компанийн мэдээлснээр, “Техник технологи эрчимтэй хөгжиж байгаа энэ цагт гүйлгээний шимтгэл цаг хугацаа өнгөрөх тусам буурах ёстой байтал огт буурахгүй, харин ч бүр нэмэгдэж байна” гэдгийг дурджээ.
VISA компанийн зүгээс Амазоны гаргасан шийдвэрт ихээхэн сэтгэл дундуур байгаагаа мэдэгдэж, хэрэглэгчдийн сонголтыг хязгаарлаж байгаад нь урам хугарч байна хэмээжээ. Тэдний хэлснээр, “Хэрэглэгчийн сонголтод нөлөөлж, хязгаарласнаар хэн ч хожихгүй” гэнэ.
Эх сурвалж: BBC