Өнгөрсөн долоо хоногт ерөнхийлөгч Жо Байден Женерал Моторсын үйлдвэрт зочилж, Хаммер загварын цахилгаан машиныг унаж үзжээ. Тэгвэл түүнийг тус үйлдвэрт зочилсноос хойш цахилгаан Хаммер машины захиалга эрс өссөн болохыг Женерал Моторсоос мэдээлсэн байна.
Улмаар тэдний глобал удирдагч Дункан Алдредын мэдэгдсэнээр тус загварын машины захиалга долоо дахин нугарч, вебсайтын өдрийн хандалт 230 хувиар өссөн хэмээжээ. Тэрээр яг хэчнээн захиалга орж ирсэн тухайд нарийвчлан хэлээгүй ч сайтад л гэхэд 125 мянган хүн цахилгаан Хаммерын талаар мэдээлэл авахаар хандсан гэдгийг хэлсэн юм.
Ерөнхийлөгчийн таашаалд нийцсэн тус хүлэг анх нэг цэнэглэлтээр 350 миль зам туулах хүчин чадалтай байсан ч үйлдвэрлэлийн явцад туулах замын урт 6 хувиар буурч, 329 миль болсон байна.
Эх сурвалж: CNBC