Өмнөд Африкийн эрүүл мэндийн албанаас мэдээлснээр тус улсад коронавирусийн шинэ тохиолдол эрчимтэй бүртгэгдэх болж, тохиолдлуудын дийлэнхийг омикрон хувилбар эзлэх болжээ.
Улмаар өнгөрөгч 24 цагийн хугацаанд гэхэд нийт 11500 шинэ тохиолдол бүртгэгдсэн байна. Энэ нь урьд өдөрт бүртгэгдсэн тохиолдлуудаас даруй 2 мянгаар өссөн үзүүлэлт юм.
ДЭМБ-аас мэдээлж байгаагаар, өдгөө нийт 24 оронд омикрон хувилбар бүртгэгдээд байгаа гэнэ.
Африкийн коронавирустэй тэмцэх ажлын албаны ажилтан, профессор Салим Абдүүл Каримын мэдээлж байгаагаар, “Өмнөд Африк улсын ирээдүй гурваас дөрвөн долоо хоногийн дараа л тодорхой болно” хэмээжээ.
Харин Өмнөд Африкийн Йоханнесбург хотын иргэдийн хэлснээр, “Зул сар, Шинэ жилийн баяр болох гэж байгаатай холбогдуулан олон нийтийн үйлчилгээний байгууллагууд дүүрэн байгаа гэнэ. Хүмүүс шинэ хувилбарын тухай мэдээлэлтэй байгаа ч түүнээс айж, сандарч тэвдэхгүй байгаа. Одоогийн байдлаар тийм ч ноцтой өөрчлөлт ажиглагдаагүй байна. Нөхцөл байдал өмнө нь ямар байсан түүн шигээ л байгаа” гэнэ.
Эх сурвалж: BBC