Их хэмжээний үнийн дүн бүхий коиныг хулгайлах үзэгдэл толгойн өвчин болсоор байх ажээ. Coindesk-ийн мэдээлж байгаагаар BitMart хэмээх криптовалютын бирж 196 долларт дүйх хэмжээний коиныг хакеруудад хулгайлуулсан байна.
Тэдний хэлж байгаагаар хакерууд эхлээд Etheruem, Binance коиныг хадгалсан хэтэвчнүүдийг хоосолсон бол дараа нь Shiba, USDC гэх коинуудтай хэтэвчийг тоножээ.
Биржийг үүсгэн байгуулагч Шелдон Шиагийн хэлснээр BitMart-ийн нийт хөрөнгийн багахан хувь л эрсдэлд орсон хэдий ч тэдний зүгээс хамгаалалтын системийг дахин шалгаж үзэх хугацаанд зарлага хийхийг зогсоосон гэнэ.
Одоогоор хэргийг хэн үйлдсэн болохыг тогтоогоогүй бөгөөд хакер коиныг Etheruem холих сан руу шилжүүлсэн нь хэрэгтнийг илрүүлэхэд бүр л хэцүү болгож байгаа ажээ.
Энэ удаагийн коин хулгайн үнийн дүн тийм ч их биш боловч криптовалютын зах зээлд хулгайн асуудал олширч байгааг анхааруулсан үйл явдал юм.
Эх сурвалж: Engadget