Теsla-гийн гүйцэтгэх захирал Илон Маскийн тэргүүлдэг SpaceX сансрын компани сар, Ангараг гарагт хүрэх тээврийн зардлыг хамгийн бага түвшинд хүргэх зорилгоор бүтээсэн "Starship" том оврын сансрын хөлгийн гурав дахь туршилтын нислэгийг тун удахгүй хийхээр төлөвлөжээ.
SpaceX компанийн зүгээс “”Starship” хөлгийн гурав дахь удаагийн туршилтын нислэгийг хийх зөвшөөрлийг холбогдох байгууллагаас хүлээж байна. Зөвшөөрөл гарсан тохиолдолд 3-р сарын 14-ний өдөр нислэгийг хийх болно” хэмээн орон нутгийн цагаар 6-ны өдөр нийгмийн сүлжээний Х платформоор (хуучнаар Twitter) дамжуулан мэдэгдэв.
Тус компани нь өнгөрсөн оны 4 болон 11 дүгээр сард “Starship” сансрын хөлгийг дэлхийн тойрог замд оруулах хоёр ч туршилтын нислэгийг хийх гэж оролдсон боловч хоёулаа амжилтгүй болсон билээ.
Тус сансрын хөлөг нь сар, Ангараг гариг руу хүн төрөлхтөн болон ачаа илгээх зорилготой SpaceX-ийн хэдэн жилийн турш хөгжүүлж байгаа сансрын хөлөг юм.
Эх сурвалж: SBS Biz