Казахстан улсад өрнөж буй эсэргүүцлийн хөдөлгөөн ураны ханшид нөлөөлжээ. Улмаар Блүүмберг агентлагаас мэдээлснээр, ураны ханш ойролцоогоор 8 хувийн өсөлт үзүүлсэн байна. Учир нь Казахстан улс дэлхийн ураны нийлүүлэлтийн 40 хувийг бие даан бүрдүүлдэг юм. Тийнхүү нэг фунт ураны ханш 42 ам.доллароос 45.25 ам.долларт хүрчээ.
Нэгдүгээр сарын хоёрны өдөр Мангистау мужид гарч эхэлсэн эсэргүүцлийн хөдөлгөөн хоёр хоногийн дотор нийслэл Алматыд хүрч, өдгөө Казахстан улс хүндхэн нөхцөлд байгаа юм.
Түүнчлэн эсэргүүцлийн хөдөлгөөний улмаас Хамтын аюулгүй байдлын гэрээний байгууллагын дэргэдэх Хамтын аюулгүй байдлын зөвлөлөөс энхийг сахиулагч нараа тус улс руу илгээх шийдвэр гаргаад байгаа ажээ.
Эх сурвалж: ТАСС