Олон улсын зээлжих зэрэглэлийн Fitch агентлаг АНУ-ын Төв банк буюу Холбооны нөөцийн сан (ХНС) бодлогын хүүгээ бууруулсан тохиолдолд тус улсын зах зээл дэх орон сууцны үнэ хурдацтай өснө гэж таамаглажээ.
Эдийн засгийн мэдээллийн хэрэгсэл болох Business Insider-ийн мэдээлснээр Fitch агентлагийн зүгээс ХНС ирэх онд бодлогын хүүгээ 0.75 нэгж хувиар бууруулна хэмээн таамагласан болохыг онцлов.
Хэрэв уг таамаглал бодитоор хэрэгжсэн тохиолдолд Fitch-ийн ажиглалтаар орон сууцны үнэ ирэх онд 0-3 хувиар, дараа жил нь 2-4 хувиар тус тус өсөх хандлага үзүүлнэ гэжээ.
Тус агентлаг энэхүү таамаглалтай холбогдуулан “Байр, орон сууцны үнэ өсөх нь хамгийн анх удаа орон сууц худалдан авч буй иргэдийн худалдан авах чадварт нөлөөлж, эрэлтийг бууруулна" хэмээн дүгнэсэн байна.
Эх сурвалж: MBC