Газрын тосны гол нийлүүлэгч орнууд болох ОПЕК-ын жишиг буюу суурь үнэ болгон хэрэглэдэг Хойд Европын Брент маркын нефтийн үнэ долоон жил гаруйн хугацаанд анх удаа нэг баррель нь 90 ам.долларыг давлаа.
Орон нутгийн цагаар 26-ны өдөр Лондонгийн ICE бирж дээр 3-р сарын Брент маркын нефтийн үнэ нэг баррель нь 90.02 ам.доллар болсон тухай Ройтерс болон Франс Пресс агентлаг мэдээлэв.
Энэ нь 2014 оны аравдугаар сарын 13-наас хойших хамгийн өндөр үнэ юм.
Франс Пресс агентлагийн үзэж буйгаар Украины хямралтай холбоотой геополитикийн хурцадмал байдал хийгээд Ойрхи Дорнод дахь нийлүүлэлтийн асуудлаас үүдэлтэй үнэ өсөх болсон хэмээн дүгнэжээ.
Эх сурвалж: YTN