БНХАУ өнөөдөр буюу баасан гарагаас эхлэн бензин болон дизель түлшний жижиглэнгийн үнийг нэмэх болжээ.
Улмаар тус улсын Үндэсний хөгжил дэвшил, шинэчлэлийн комиссоос мэдэгдсэнээр, бензиний жижиглэнгийн үнэ тонн тутамд 210 юаниар нэмэгдэх бол дизель түлшний үнэ 200 юаниар нэмэгдэх гэнэ.
Одоогийн мөрдөж байгаа бодлогын хүрээнд олон улсад түүхий газрын тос тонн тутамдаа 50 юань болон түүнээс илүү үнээр нэмэгдэж, тухайн өсөлттэй үнээ 10 хоног хадгалах аваас дотооддоо жижиглэнгийн үнийг нэмж байгаа юм.
Тийнхүү шатахууны үнийг тогтвортой байлгахын тулд тус улсын засгийн газраас газрын тосны томоохон нийлүүлэгч болох Хятадын Үндэсний Петролиум корпорац, Хятадын Петролиум болон Химийн корпорац, Хятадын Үндэсний Оффшор газрын тосны корпорац нараас үйлдвэрлэлийг тасалдуулахгүй, тээвэрлэлтийг сааталгүй байлгахад анхаарч ажиллахыг хүсжээ.
Эх сурвалж: Xinhua