Өмнөд Солонгос улсыг дэлхийн дахинаа таниулж, олон улсын хэмжээнд хүлээн зөвшөөрөгдөөд буй BTS хамтлагийн харьяалагддаг Hybe агентлагийн ашиг өнгөрсөн онд 30.8 хувиар өсжээ.
Тэдний хувьд цар тахлаас үүдэн олон нийтийг хамарсан арга хэмжээ зохион байгуулахаас татгалзаж, аялан тоглолтоо цуцалсан ч видео тоглоом, дижитал комик зэрэгт хамтран ажилласнаар ашгаа тийнхүү өсгөж чадсан байна.
Улмаар Hybe агентлагийн зүгээс хэтийн ирээдүйд тус бүтээгдэхүүнээс олох ашгаа улам нэмэгдүүлэхээр төлөвлөснөө хэлсэн бөгөөд дэлхийг байлдан дагуулж буй метаверст ч BTS хамтлагийн нэрийг гаргах зорилгоор тоглоом хөгжүүлэгч нартай хамтран ажиллахаа мэдэгджээ.
Түүнчлэн агентлагаас мэдээлснээр, тэд өнгөрсөн онд өөрсдийн гаргасан контентоос нийт 370.4 тэрбум вонийн ашиг олсон байна. Энэ нь тэдний 2020 оны контентын орлогоос даруй 240 гаруй тэрбум воноор өссөн үзүүлэлт юм.
Эх сурвалж: BBC