Австрали улсын ерөнхий сайд Скотт Моррисоны лхагва гарагт мэдэгдсэнээр, тус улс ОХУ-ын эсрэг эдийн засгийн хориг арга хэмжээ авч хэрэгжүүлэх болжээ.
Түүний хэлснээр, “Бид АНУ, Их Британийн жишгээр ОХУ-ын Төрийн хөгжлийн банк, ВЕБ, Промсвязбанк, Россия, ИС банк, Ерөнхий банк болон Хар Тэнгис банкны эсрэг хориг тогтоох боллоо. Сангийн сайдын зүгээс өнөөдөр томоохон банкнуудын захирлуудтай ярьж, ямар нэг сэжигтэй гүйлгээ орж ирэхээс сэргийлэхийг анхааруулсан.
ОХУ-аас Украины Луганск, Донбасс мужуудын тусгаар тогтнолыг зөвшөөрсөн нь биднийг энэхүү арга хэмжээг авахад хүргэлээ.
Ингэснээр бид АНУ, Их Британитай нэг байр суурьтай байгааг илэрхийлж байгаа юм” гэсэн байна.
Эх сурвалж: ТАСС