Эмэгтэйчүүдийн эсрэг хүчирхийлэлтэй тэмцэх анхны хуулийг Европын Холбоо баталжээ
5 сарын 8. 12:530

Мягмар гарагт Европын Холбооны /ЕХ/ гишүүн орнууд эмэгтэйчүүдийн эсрэг хүчирхийлэлтэй тэмцэх тухай анхны хуулийг баталлаа.

Энэхүү өргөн хүрээг хамаарсан хууль тогтоомж нь жендэрт суурилсан хүчирхийлэл, албадан гэрлэлт, эмэгтэй хүний бэлэг эрхтнийг зэрэмдэглэх, мөн цахим сүлжээгээр мөшгих, хувийн зургийг зөвшөөрөлгүй хуваалцах зэрэг цахим хүчирхийллээс холбооны гишүүн орнуудын эмэгтэйчүүдийг хамгаалах зорилготой юм.

Мөн гэр бүлийн хүчирхийлэлд өртсөн хохирогчид гэмт хэргийн талаар мэдээлэл өгөхөд хялбар болох бөгөөд шинэ журмын дагуу ийм төрлийн хүчирхийлэл үйлдсэн этгээдэд 5 хүртэлх жилийн хорих ял онооно. Түүнчлэн үр хүүхэд, эхнэр, нөхөр, хуучин эхнэр, нөхөр, улстөрчид, сэтгүүлчид, хүний эрхийн төлөө тэмцэгчдийн эсрэг гэмт хэрэг үйлдсэн тохиолдолд илүү хатуу шийтгэл ногдуулна.

Гэхдээ хүчингийн гэмт хэргийн тухайд нэгдсэн ойлголтод хүрч чадаагүй нь хэд хэдэн гишүүн орны хооронд маргаан үүсгэжээ.

Европын улстөрчид “анхдагч” хуулийг сайшааж байна

Бельгийн Шадар сайд Пол Ван Тигчелт хэлэхдээ “Эмэгтэйчүүдийн эсрэг хүчирхийлэл, гэр бүлийн хүчирхийлэл бол нийгэмд байсаар байгаа гэмт хэрэг юм. Энэ хууль нь ЕХ-ны хэмжээнд гэмт хэрэгтнүүдэд хатуу шийтгэл ногдуулж, хохирогчдод шаардлагатай бүх дэмжлэгийг үзүүлэх баталгаа болно” гэлээ.

Европын парламент шинэ хуулийг дөрөвдүгээр сард баталсан бол мягмар гарагт холбооны гишүүн орнууд албан ёсоор баталсан нь хууль хүчин төгөлдөр болохын өмнөх эцсийн алхам байв. Одоо ЕХ-ны орнууд гурван жилийн дотор уг хуулийг үндэсний хууль тогтоомждоо тусгах шаардлагатай байна.

“Энэ бол эмэгтэйчүүдийн эрхийг дэмжих анхдагч түүхэн мөч юм. Бүсгүйчүүд дарамт шахалт, хүчирхийлэлд өртөх, бие махбоддоо гэмтэл учрахаас айхгүйгээр амьдардаг болсон үед л жинхэнэ тэгш байдал бий болно. Үүнийг хэрэгжүүлэхэд энэхүү хууль чухал алхам болж байна” гэж Бельгийн Жендэрийн тэгш байдлын асуудал эрхэлсэн Төрийн нарийн бичгийн дарга Мари-Коллин Лерой хэлжээ.

ЕХ-нд хүчингийн гэмт хэргийн талаар нийтлэг тодорхойлолт байхгүй

Баримт бичгийн эх бичвэрт хүчингийн гэмт хэргийн нийтлэг тодорхойлолтыг шийдэж чадаагүй нь хэлэлцээрийн явцад маргаан үүсгэсэн байна.

Итали, Грек зэрэг улсууд ийм тодорхойлолт оруулахыг дэмжиж байсан бол Герман, Францын зүгээс "энэ асуудлаар ЕХ-нд эрх мэдэл байхгүй" гэж маргажээ.

Мягмар гарагт Брюссельд болсон уулзалтын өмнө Испанийн Тэгш байдлын сайд Ана Редондо шинэ хуулийн талаар “одоогийнхоосоо илүү амбицтай байсан бол дэмжинэ" гэж хэлээд, гэхдээ энэ хууль “сайн эхлэл”-ийг тавьж байгааг дурдсан байна.


Эх сурвалж: DW /МОНЦАМЭ агентлаг/

Энэ мэдээнд өгөх таны сэтгэгдэл?
0
0
1
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Сөүл: Дараа сард түүхэндээ хамгийн олон өвчтөнүүдийн жагсаал болно
2024-6-21 16:06
Таван жилийн өмнө алга болсон илжиг хандгайн сүрэгтэй нийлсэн байжээ
2024-6-21 15:32
Насанд хүрэгчдэд зориулсан хиймэл оюун ухаант робот энэ зунаас худалдаанд гарна
2024-6-21 14:59
БНАСАУ хилээ хэрмээр хашиж байна
2024-6-21 13:11
Сөүл хотын дарга Ким Хюн Ги Улаанбаатарт галын хуучин 10 машинаар тусаллаа
2024-6-21 12:27
Эрчим хүчний хэрэглээнээс үүдэлтэй хүлэмжийн хийн ялгаруулалт түүхэн дээд хэмжээнд хүрчээ
02024-6-21 12:03
ОХУ-Европын холбооны худалдаа сүүлийн 24 жилийн хамгийн доод түвшинд хүрчээ
02024-6-21 8:52
Илон Маскын xAI компани Dell-тэй хамтран супер компьютер бүтээнэ
02024-6-21 7:48
Хүний эр бэлгэ эрхтнээс анх удаа бичил хуванцар илэрлээ
2024-6-20 14:59
Путин Кимд лимузин, Ким Путинд гөлөг бэлэглэлээ
2024-6-20 14:33