Лхагва гарагт болсон Сенатын банкны хорооны сонсголын үеэр Ардчилсан намын сенат Элизабет Уоррен Холбооны нөөцийн банкны бодлогын хүү өсгөх аргыг хурцаар шүүмжилжээ.
Тэрээр Төв банкны ерөнхийлөгч Жероми Пауэллд хандаж, бодлогын хүүгээ болгоомжтойгоор өсгөж, олон мянган иргэнийг ажлын байргүй болохоос урьдчилан сэргийлэхийг анхааруулсан байна.
Сонсголын үеэр хатагтай Уоррен Холбооны нөөцийн банкны ерөнхийлөгчид хэдэн асуулт тавьсан нь, бодлогын хүүг өсгөснөөр шатахуун, хүнсний бүтээгдэхүүний үнэ буух эсэхийг лавлажээ.
Харамсалтай нь түүний асуултын хариуд ноён Пауэлл “Үгүй” гэсэн юм. Түүний хариултыг сонссон Элизабет Уоррений зүгээс “Бодлогын хүүг өсгөх нь Владимир Путинийг танкнуудаа эргүүлж, Украины газар нутгийг орхиход хүргэхгүй, монополчлолыг задлахгүй, коронавирусийн тархалтыг зогсоохгүй. Харин ч айл өрхүүдийн зээлийн хүүг өсгөж, олон хүнийг ажлын байраа алдахад хүргэнэ.
Инфляц гэдэг яг л өвчин шиг, анагаах эм нь тухайн асуудалд тохирсон байхгүй болбоос өвчнийг улам дордуулна. Одоогийн байдлаар Холбооны нөөцийн банк үнийн өсөлтийн гол шалтгаануудад нөлөөлж чадахгүй нөхцөлд байгаа ч тэд хүмүүсийг ажлын байргүй болгох, айл өрхүүдийг ядууралд хөтлөх замаар эрэлтийг бууруулж байна” хэмээжээ.
Эх сурвалж: CNN