Японы автомашин үйлдвэрлэгч Тоёота компани дугуйн булын бэхэлгээ нь сул байж болзошгүй 2700 орчим цахилгаан машинаа эргүүлэн татах болжээ.
Тус компанийн хэвлэлийн төлөөлөгчийн BBC агентлагт хэлснээр, bZ4X загварын бүрэн цахилгаан автомашины дугуйн булнууд хэдхэн миль туулсан хойно суларч, улмаар дугуйнуудыг автомашины эх биеэс салахад хүргэж болзошгүй гэнэ.
Тийнхүү автомашинуудыг эргүүлэн татах ажлыг тус загварын машин Япон улсын зах зээлд анхлан худалдаанд гарснаас хойш ердөө хоёрхон сарын дараа зохион байгуулах болжээ.
Мөн Японы Субару компани ч Тоёотатай хамтран бүтээсэн 403 ширхэг цахилгаан автомашинаа ижил шалтгааны улмаас эргүүлэн татах болсноо мэдэгдсэн байна.
Автомашины дугуйн бул сулрах нь дугуйг машины эх биеэс салах, цаашлаад жолооч машины жолоодлогыг алдах, томоохон осол гарах эрсдэлийг дагуулж байдаг юм.
Эх сурвалж: BBC