Пүрэв гарагт Украин улсын Гадаад хэргийн яамны хэвлэлийн төлөөлөгч Олег Николенкогийн мэдэгдсэнээр, тэд Украин улсын өмнөд хэсгийн аюулгүй байдал баталгаатай болсон үед л үр тарианы коридор гаргах хэлэлцээрийг дэмжих болно гэжээ.
Энэ тухай тэрээр өөрийн Фэйсбүүк хуудаснаа нийтэлсэн бөгөөд түүний бичсэнээр, “Украин улсын өмнөд хэсгийн аюулгүй байдал, Хар тэнгис дэх манай зэвсэгт хүчний хөдөлшгүй байр суурь, манай хөдөө аж ахуйн бараа бүтээгдэхүүнийг дэлхийн зах зээлд аюулгүй гаргаж экспортлох асуудлуудын хүрээнд баталгаатай шийдвэр гарсан нөхцөлд л манай улсын төлөөлөгчид хэлэлцээрийг дэмжих болно” гэсэн байна.
Түүнчлэн ноён Николенкогийн онцолсноор хэрэв тийм шийдвэр гарвал өнөөдөр буюу баасан гарагт Турк улсад хийх хэлэлцээрийн хүрээнд тэд үр тарианы коридор гаргах гэрээг үзэглэх боломжтой гэжээ.
Үйл явдлын хүрээнд Туркийн ерөнхийлөгчийн албанаас пүрэв гарагт мэдэгдсэнээр өнөөдөр буюу долоодугаар сарын 22-нй өдөр талууд Долмабахче ордонд хэлэлцээрийг үргэлжлүүлж, амжилттай явагдвал гэрээг үзэглэх ч боломжтойг тодотгосон юм.
Эх сурвалж: ТАСС