Тайванийн арми түүхэндээ анх удаа нутаг дэвсгэрт нь нэвтэрсэн Хятадын нисгэгчгүй онгоц руу сэрэмжлүүлэх гал нээснээ мэдэгдлээ.
Ройтерс болон Спутник агентлагийн мэдээлснээр, Тайванийн арми орон нутгийн цагаар 30-ны өдөр Жиньмэнь арлын агаарын бүс нутагт нэвтрэн орсон Хятадын нисгэгчгүй онгоц руу сэрэмжлүүлэх гал нээсэн талаар онцлон тэмдэглэв.
Тайванийн цэргийн эрх баригчдын зүгээс хэлэхдээ анхааруулах гал нээсний дараа тус нисгэгчгүй онгоц нь Хятад руу эргэн ниссэн гэжээ.
Тайванийн армийн Жиньмэнь арлын хамгаалалтын командлал 29-ний өдрийн 16 цагийн орчимд Жиньмэнь арлын дэргэдэх Сую арлын ойролцоох тэнгисийн хяналтын бүсээс иргэний нисгэгчгүй онгоц илрүүлсний дараа дохио өгсөн тул уг онгоц эх газрын Хятадын Шямэнь хот руу буцаж ниссэн талаар өмнө нь мэдэгдэж байсан юм.
Тайванийн арми нэмж хэлэхдээ, Хятадын нисгэгчгүй онгоц Сую арлаас 200 метрийн зайд ойртож ирсэн бөгөөд тухайн үед 30 метрийн өндөрт нисэж байсан гэв.
Хятадын Шямэнь хотоос ердөө 3.2 километрийн зайд орших Жиньмэнь арал нь Тайванийн аюулгүй байдлын тэргүүн эгнээнд тооцогддог ч гол арлаасаа алслагдсан тул хамгаалахад маш хэцүү байдаг аж.
Тус армийн ийнхүү анхааруулан гал нээсэн нь сүүлийн үед Тайванийн фронтын арлуудад Хятадын нисгэгчгүй онгоцнууд ойр ойрхон нэвтэрсээр байхад цэргийн эрх баригчид дорвитойхон хариу барьж чадахгүй байна гэх шүүмжлэл нэмэгдэж байгаа энэ үед болсноороо анхаарал татаад байна.
Эх сурвалж: MBC
Тайваныг цэрэггүй бүс болог
Даварцан хятад вэ чи.
Хаха чи мэддэг юм уу?
Huts sda mini