Кубын талд тагнуул хийсэн Америкийн дипломатч гэм буруугаа хүлээнэ
3 сарын 1. 17:370

Кубын талд тагнуул хийсэн гэх хэрэгт буруутгагдаж буй АНУ-ын Боливи дахь Элчин сайд асан Мануэль Роча гэм буруутай гэдгээ хүлээн зөвшөөрөхөөр төлөвлөж байгаагаа мэдэгджээ.

Өдгөө 73 настай М.Рочаг "гадаадын тагнуулаар ажилласан", "мөрдөн байцаагчдад худал мэдүүлэг өгсөн" зэрэг хэд хэдэн зүйл ангиар буруутгаж байгаа юм. Прокурорууд түүнийг хэдэн арван жилийн турш “Кубын тагнуулын албаны нууц төлөөлөгч”-ийн үүрэг гүйцэтгэсэн гэж буруутгаж байна.

М.Роча энэ сарын эхээр өөрийгөө гэм буруугүй гэж мэдэгдэж байсан бол пүрэв гарагт Майамид болсон шүүхийн сонсголын үеэр “шүүгдэгч өмнө нь хийсэн мэдэгдлээ өөрчлөхөөр” шийджээ. Шүүхийн тэмдэглэлд М.Роча ямар хэрэгт гэм буруутай хүлээхээр төлөвлөж байгаа талаар дурдсангүй. Тэрбээр ирэх дөрөвдүгээр сарын 12-нд болох шүүх хуралдаанд дахин ирэх ёстой.

М.Роча 2000-2002 онд Боливи дахь АНУ-ын Элчин сайдаар, 1990-ээд онд Куба дахь АНУ-ын ашиг сонирхлыг төлөөлөх газрын орлогч даргаар ажиллаж байжээ. Тэрбээр мөн 1980-аад онд Доминикан дахь АНУ-ын Элчин сайдын яам, Итали дахь АНУ-ын Консулын газарт ажиллаж байсан бөгөөд Мексик, Аргентин дахь АНУ-ын Элчин сайдын яаманд янз бүрийн албан тушаал хашиж байв.

Доминикан дахь АНУ-ын ЭСЯ-нд улс төрийн ажилтан байсан нь түүнийг Кубын талд “онцгой үүрэг” гүйцэтгэхэд нөлөөлсөн гэж прокурорууд үзэж байна. Кубын тагнуулын ажилтны дүрд хувирсан Холбооны мөрдөх товчооны нууц ажилтантай хэд хэдэн удаа уулзах үеэрээ М.Роча АНУ-ыг “дайсан” хэмээн тодорхойлж, Кубын хувьсгалч, улстөрч Фидель Кастрог магтан сайшааж байсан гэдгийг шүүхийн баримтуудад дурджээ.


Эх сурвалж: CNN /МОНЦАМЭ агентлаг/

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Програм хангамж хөгжүүлэгч Oracle компани Япон дахь дата төвд 8 тэрбум ам.долларын хөрөнгө оруулалт хийнэ
02024-4-20 4:24
Бразил: Нас барсан хамаатныхаа цогцсыг тэргэнцэр дээр суулган банкаар үйлчлүүлж, түүний нэр дээр зээл авахаар завджээ
02024-4-19 18:41
Нигерийн арми арван жилийн өмнө хулгайлагдсан эмэгтэйг 3 хүүхдийн хамтаар аварчээ
02024-4-19 16:33
Meta компани өөрийн аппликейшнуудаар дамжуулан хиймэл оюун ухаан бүхий шинэ туслахаа хэрэглээнд нэвтрүүллээ
02024-4-19 15:34
АНУ: ХНС-ийн бодлогын хүү тодорхойлогчийн зүгээс бодлогын хүүг бууруулахад яарах зүйл байхгүй байгааг сануулжээ
12024-4-19 15:08
Стрийминг үйлчилгээ үзүүлэгч Netflix 2024 он гарсаар 9.3 сая хэрэглэгчээр хүрээгээ тэлжээ
12024-4-19 14:40
Казахстанд үерийн улмаас 634 цооногийн олборлолтыг түр зогсоожээ
12024-4-19 12:12
“Формула-1”-ийн Хятадын Гран При эхэлж байна
12024-4-19 12:08
Израилын тал Иранд цохилт өгчээ
02024-4-19 12:05
НҮБ-д гишүүнээр элсэх Палестины хүсэлтэд АНУ хориг тавив
12024-4-19 11:02