ОХУ Украинд халдан довтолсны улмаас Европт нийлүүлэх байгалийн хийн хэмжээ багассантай холбогдуулан энэ оны эхний хагаст Герман улсын нүүрсээр ажилладаг эрчим хүчний үйлдвэрлэл нийт цахилгаан эрчим хүчнийх нь гуравны нэгд хүртэл нэмэгдсэн байна.
Тус улсын Холбооны Статистикийн газраас орон нутгийн цагаар 7-ны өдөр нийтэлсэн тоо баримтаас үзвэл, энэ оны эхний хагаст Германы нийт цахилгаан эрчим хүч үйлдвэрлэлийн 31.4 хувийг нүүрсээр галладаг цахилгаан эрчим хүч эзэлсэн болохыг онцолжээ.
Нөгөөтэйгүүр, байгалийн хийн эрчим хүчний үйлдвэрлэлийн эзлэх хувь өнгөрсөн оны мөн үед 17,9 хувийг эзэлж байсан бол өдгөө 11.7 хувь болж огцом буурсан байх юм.
Тодруулбал, энэ оны хоёрдугаар улиралд ОХУ-аас нийлүүлж буй байгалийн хийн нийлүүлэлт буурсантай холбоотой байгалийн хийн эрчим хүч үйлдвэрлэл өнгөрсөн оны мөн үетэй харьцуулахад 19.3 хувиар буурсан бол нүүрсний эрчим хүч үйлдвэрлэл мөн хугацаанд 23.5 хувиар өссөн байна.
Эх сурвалж: MBC
Гоё соёлт ертөнцийнхөн вирүсэндээ идэгдэж нүүрснийхээ угаарт утаандаа иргэн ирлээ .