Японы Фүкүшима Дайчи атомын цахилгаан станцын бохирдсон усыг далайд цутгаж байгаатай холбогдуулан ОХУ-ын засгийн газар нутгийн цагаар 16-ны өдрөөс эхлэн Япон далайн гаралтай хүнсний бүтээгдэхүүний импортыг зогсоож байгаагаа мэдэгдлээ.
Оросын эрх баригчид "Импортын энэхүү хориг нь урьдчилан сэргийлэх арга хэмжээ” гэж мэдэгдээд “Японы далайн гаралтай хүнсний бүтээгдэхүүн аюулгүй болохыг харуулсан дэлгэрэнгүй тайлан гарах хүртэл энэ хориг үргэлжилнэ" гэж тайлбарлав.
Ингэснээр тус улс нь Японы далайн гаралтай хүнсний бүтээгдэхүүний импортыг хориглосон орнуудын жагсаалтад Хятадтай нэгдэж буй юм.
Өнгөрсөн сарын сүүлчээр ОХУ-ын Мал эмнэлэг, ургамлын эрүүл ахуйн хяналтын товчооноос гаргасан мэдэгдэлд “Цацраг идэвхт бодисоор бохирдсон байж болзошгүйг харгалзан Японы далайн гаралтай хүнсний бүтээгдэхүүнд тавьсан Хятадын хоригт нэгдэх эсэх талаар хэлэлцэж байна” хэмээн мэдэгдэж байсан билээ.
Өнгөрсөн онд Япон улс ОХУ-д 190 тонн далайн гаралтай хүнсний бүтээгдэхүүн экспортолсон нь Японы нийт экспортын 0,03 хувьтай тэнцэж байгаа юм.
Эх сурвалж: MBC