Дэлхийн олон улс мөнгөний хатуу бодлого хэрэгжүүлэн эдийн засгаа хумьж буйгаас үйлдвэрлэлийн гарц багасжээ. Улмаар дэлхийн эрэлт огцом буурах магадлал өсөв.

S&P Global судалгааны байгууллагын улсын аж үйлдвэрлэлийн үйл ажиллагааг дүгнэдэг сар тутмын PMI индекс өмнөх сард дахин сөрөг үр дүн үзүүллээ. PMI индекс наймдугаар сард 49.6 байсан бол есдүгээр сард 48.4 хувь болж буурав. Тус индекс 50-аас доошлох тусам эдийн засаг агшиж буйг харин 50-аас дээш өсөхийн хэрээр эдийн засаг өсөж буйг илэрхийлдэг юм.

Дээрх тоон мэдээллийг задалж үзвэл Евро бүсийн үйлдвэрлэл есдүгээр сард дахин буурч, амьжиргааны өртгийн хямрал нэмэгдсэн болохыг харж болно. Германд үйлдвэрлэл гурав дахь сардаа дараалан буурсан бол Францын үйлдвэрлэл өнгөрсөн 2020 оны тавдугаар сараас хойших хамгийн өндөр хурдаар буурчээ. Харин Италийн үйлдвэрлэл өмнөх сартай харьцуулах буурах хурд удааширсан байна. Тайвань, Малайзад аж үйлдвэрлэлийн гарц багассан. Харин Япон, Энэтхэг, Вьетнамд үйлдвэрлэлийн гарц тооцоолсноос бага хурдаар өсөж байна. Үүнд түүхий эдийн ханш нэмэгдсэн нь голчлон нөлөөлжээ. Хятадын есдүгээр сарын PMI индекс нь 50.1 болж өмнөх сараас 0.7 нэгжээр өссөн боловч аж үйлдвэр, үйлчилгээний үйл ажиллагаа удаан, эдийн засаг нь идэвхгүй хэвээр байна.

Эх сурвалж: Reuters