Илон Маск гэнэт буулт хийж Twitter-ийг анх тохиролцсон үнэ болох нэгж хувьцааг 54.20 ам.доллароор худалдан авах санал тавилаа.
Улмаар нийт 44 тэрбум ам.долларын худалдан авах гэрээг хүчингүй болгохын тулд олон сар үргэлжилсэн шүүх хурал дуусаж магадгүй боллоо. Тэрбээр Twitter-ийн хуульчдад компанийг нь худалдан авах саналаа хоёр өгүүлбэрт багтаан Даваа гарагт илгээсэн байна. Twitter захидлыг хүлээн авснаа баталгаажуулан санал болгосон ханшаар Маскд худалдах бодолтой байна гэв.
Талууд дахин маргаан үүсгээгүй тохиолдолд аравдугаар сарын 17-нд эхлэхээр товлогдсон таван өдрийн шүүх хурал цуцлагдах бөгөөд худалдан авалтын гэрээ хэдхэн өдрийн дотор эцэслэх боломжтой юм. Гэвч Илон Маскийг урьдчилан таамаглах боломжгүй билээ.
Twitter-ийг худалдан авснаар Илон Маскийн үүсгэн байгуулах гэж буй X.com мэдээллийн хэрэгсэл, X хэмээх аппликейшны хөгжлийг хурдасгана гэж үзэж байна.
Эх сурвалж: Wall Street Journal