Даваа гарагт Амазон цахим дэлгүүрээс мэдээлснээр тэд Rivian компанийн үйлдвэрлэсэн цахилгаан “van” автомашинуудаар хүргэлтээ хийж эхлэхэд бэлэн болжээ. Эхний ээлжид тэд тус автомашиныг Европ тив дэх хүргэлтдээ ашиглах гэнэ.

Ингэснээр Rivian компани цахилгаан “van” автомашинуудаа АНУ-аас өөр газар нийлүүлсэн анхны тохиолдол болж байгаа юм.

Үйл явдлын хүрээнд Амазон компаниас мэдэгдсэнээр тэд ойрын хугацаанд Мюнхен, Берлин, Дюсселдорф хотуудад тус автомашинаараа хүргэлт хийнэ гэсэн байна.

Амазон компанийн хувьд Европ тив дэх хүргэлтээ бүгдийг нь цахилгаан автомашинаар хийдэг болоход зориулан 1 тэрбум еврог төсөвлөөд байгаа юм. Улмаар тэдний төлөвлөгөө дагуу 2040 гэхэд тэд ямар ч нүүрсхүчлийн хийн хаягдалгүй хүргэлт хийдэг болох ажээ.

Эх сурвалж: Tech Crunch