Лхагва гарагт АНУ-ын Өвчнийг хянах, урьдчилан сэргийлэх төвөөс мэдэгдсэнээр тус улсад сармагчны цэцэг өвчний вирусээр халдварлаж, эмнэлгийн тусламж авсан өвчтөнүүдийн ихэнх хувь нь ХДХВ-тэй байсан гэжээ.
Тодруулбал, энэ онд сармагчны цэцэг өвчний вирус тархаж эхэлснээс хойш АНУ-д нийт 28,087 хүн тус вирусээр халдварлаж, 57 хүнд хэлбэрээр өвдөн эмнэлгийн тусламж авсан байна. Хачирхалтай нь тэдний(эмнэлгийн тусламж авсан өвчтөнүүдийн) 82 хувь буюу 47 өвчтөн ХДХВ-тэй байжээ.
Улмаар ХДХВ-тэй өвчтөнүүдийн 9 хувь буюу дөрөв нь сармагчны цэцэг өвчтэй гэж оношлуулахаас өмнө ретровирусийн эсрэг эмчилгээ хийлгэж байсан гэнэ.
Мөн тайлангаас үзвэл өвчтөнүүдийн ихэнх нь өнгөт арьст эрэгтэй хүмүүс байжээ.
Тийнхүү тайланд дурдсанаас 57 өвчтөний 17 өвчтөн яаралтай тусламжийн тасагт хүргэгдсэн бөгөөд 142 өвчтөн сармагчны цэцэг өвчний улмаас амиа алдсан байна.
Эх сурвалж: People