Баасан гарагт Энэтхэгийн Нью Дели хотын оршин суугчид өтгөн манан мэт агаарын бохирдол дунд сэрснээр зарим сургуулийн үйл ажиллагааг 2 хоног зогсоох тушаал гарчээ. Улмаар оршин суугчдын зүгээс нүд, хоолой загатнаж байна гэх гомдлыг олноор ирүүлэх болсон байна. Агаарын чанарын индексийн хувьд өдгөө тус хотын агаарын бохирдол 480-д хүрээд байгаа ажээ.
Агаарын чанарын индекс 400-500 байх нь эрүүл хүмүүсийн биед сөргөөр нөлөөлдөг бол архаг, хууч өвчтэй хүмүүсийн эрүүл мэндэд шууд заналхийлж байдаг юм.
Тиймээс холбогдох албаныхан нэн тэргүүнд сургуулийн өмнөх боловсролын болоод ерөнхий боловсролын бүх бага сургуулийн үйл ажиллагааг зогсоох болжээ. Мөн тус бүс дэх дийлэнх барилгын ажлыг зогсоосон байна.
Эх сурвалж: The Reuters