Дэлхийн тав дахь чинээлэг эрхэм, 118 тэрбум ам.долларын хөрөнгөтэй, топ хөрөнгө оруулагч Уоррен Баффет Berkshire Hathaway компаниараа дамжуулан дэлхийн топ чип үйлдвэрлэгч Taiwan Semiconductor Manufacturing Company буюу TSMC-ийн 4.1 тэрбум ам.долларын хувьцааг худалдаж авчээ.
Berkshire Hathaway есдүгээр сарыг дуустал гурван сарын хугацаанд нийт 60 сая ширхэг хадгаламжийн хувьцаа авсан болох нь Мягмар гарагт ил болсон. Улмаар тус өдөр TSMC-ийн хувьцааны ханш найман хувиар өсөв. TSMC компани нь дэлхийн супер чипний нийт хэрэглээний 90 орчим хувийг ханган нийлүүлдэг. Харин Berkshire конгломерат нь Apple, Bank of America, Coca-Cola, Chevron, American Express зэрэг олон улсын томоохон компаниудын хувьцааг эзэмшдэг бөгөөд өдгөө чипний салбарт бизнесийн хүрээгээ тэлж байна.
Эх сурвалж: CNN