Мягмар гарагт Польш улсын нутаг дэвсгэрт пуужин тусаж, дэлбэрэн 2 хүн амиа алдсан хэрэг гарсан билээ. Улмаар “Их 20” бүлгийн удирдагч нарын уулзалтад оролцож байсан НАТО-ийн гишүүн орнуудын удирдагчид уулзалтыг орхиж, яаралтай хуралдахаар явсан юм.

Тэгвэл уулзалтын хүрээнд Польш улсын ерөнхийлөгч Анджей Дуда дэлбэрэлтийн цаана ямар нэг дайралт, довтолгоо байсан шинж алга гэсэн байна. Тийнхүү түүний үзэж байгаагаар дэлбэрэлт нь золгүй осол байсан гэнэ. Тодруулбал, Украин улс Оросын агаарын довтолгооноос хамгаалах гэж оролдохдоо санамсаргүй байдлаар пуужинг Польшийн нутаг дэвсгэр дээр унагасан байх магадлал тун өндөр гэжээ. Гэвч Украины талаас Польш улсад болсон дэлбэрэлтэд буруутай гэдгээ хүлээн зөвшөөрөхгүй байгаа юм.

Харин яаралтай хурлын үеэр НАТО-ийн тэргүүн Йенс Столтенберг дэлбэрэлтийн цаана ямар ч “өдөөн хатгалаг” байхгүй байна гэж баталсан бөгөөд Польшийн ерөнхийлөгчтэй санал нэг байгаагаа илэрхийлжээ.

Гэхдээ Йенс Столтенбергийн хэлснээр "ОХУ Украины эсрэг хууль бус дайн эхлүүлснийхээ хариуцлагыг хүлээх болно" гэсэн юм.

Эх сурвалж: BBC