Их Британид төвтэй, тоос сорогч үсний сэнс гэх мэт гэр ахуйн хэрэглээний цахилгаан бараа үйлдвэрлэлээрээ сүүлийн үед ихээхэн танигдаад буй Dyson компани ирэх онд агаар цэвэршүүлэгчтэй дуу чимээ намсгагч "Dyson Zone" чихэвчийг худалдаанд гаргахаар болсноо 8-ны өдөр зарлалаа.

Тус компанийн зүгээс мэдэгдэж буйгаар уг бүтээгдэхүүн нь агаар цэвэршүүлэх болон дуу чимээ намсгах давхар үйлдэлтэй байх аж.

Агаар цэвэршүүлэгч шүүлтүүр нь 0.1 микрон хүртэл хэт нарийн ширхэглэгт тоосонцроос хамгаалах чадвартай гэнэ. Харин дуу чимээ намсгагч үйлдлийн хувьд 38 дБ (децибел) хүртэлх дуу чимээг намасгах үйлдэл бүхий Active Noise Cancellation (ANC) системээр тоноглогдсон аж. Нэг удаагийн бүрэн цэнэглэлтээр 4 цаг ашиглах боломжтой ба зөвхөн дуу намсгагч функцийг ашиглах үед 50 цаг ажиллах боломжтой гэв.

Энэ бүтээгдэхүүн нь ирэх оны нэгдүгээр сард Хятадад нээлтээ хийх ба гуравдугаар сараас АНУ, Их Британи, Хонг Конг, Сингапурт борлуулагдаж эхлэх юм.

Эх сурвалж: JoongAng