Пүрэв гарагийн өглөө агаарын хөлөг үйлдвэрлэгч Боинг компани 747 загварын агаарын хөлгийнхөө сүүлийн захиалгыг хүргэжээ. Агаарын хөлгийг тэд Америкийн ачаа тээврийн Атлас Эйр компанид нийлүүлсэн байна.
Боинг компанийн хувьд дахин 747 загварын хөлөг үйлдвэрлэхгүй бөгөөд энэ загварын сүүлийн агаарын хөлгөө хүргэхдээ тэд тусгай арга хэмжээ ч зохион байгуулсан байна. Тодруулбал, мягмар гарагт Боинг компанийн мянга мянган ажилтан, жүжигчин Хон Траволта, Кантас авиакомпанийн элч төлөөлөгч нар компанийн үйлдвэрт зочилж, 747 загварын онгоцтой салах ёс гүйцэтгэсэн юм.
Тийнхүү пүрэв гарагийн өглөө хөлгийг хүргэхдээ ч нисгэгчид тусгай маршрутаар зорчин агаарт 747 гэсэн дугаартай аварга титмийг дүрсэлсэн байна.
Боинг 747 загварын агаарын хөлгийн хувьд сүүлийн жилүүдэд эрэлт нь эрс багассан бөгөөд Боингийн өрсөлдөгч Эйрбус ижил тооны суудалтай, илүү бага түлш зарцуулдаг агаарын хөлгийг нийлүүлж эхэлснээр зах зээлээс шахагдах болсон юм.
Эх сурвалж: BBC