Өнгөрөгч долоо хоногт Их Британийн ерөнхий сайд асан Борис Жонсон Путин өөрийг нь пуужингаар сүрдүүлж байсан гэж мэдэгдсэн билээ. Тэгвэл түүний мэдэгдлийн хүрээнд ХБНГУ-ын канцлер Олаф Шольц, Путин түүнийг хэзээ ч заналхийлж байгаагүй гэж мэдэгджээ.

Энэ талаар Германы Bild сонин ням гарагт нийтлэн хүргэсэн байна.

Тодруулбал, Bild сонины зүгээс ноён Шольцыг ерөнхийлөгч Путинтэй утсаар холбогдохдоо энэ мэт заналхийлэл хүлээн авч байсан эсэхийг лавлахад тэр “үгүй” гэж хариулжээ. Улмаар Шольц Путинтэй утсаар холбогдоход ямаршуу яриа болдог болохыг ч дүрсэлж, “Миний зүгээс одоо болж буй дайнд ОХУ бүрэн хариуцлага хүлээх учиртайг Путинд тодорхой хэлдэг. Бидний хувьд утсаар холбогдохдоо Украин дахь дайны хүрээнд өөрсдийн эрс тэс байр суурийг маш тодорхой илэрхийлдэг” гэсэн юм.

Цаашлаад түүний зүгээс ярилцлагын хүрээнд ХБНГУ Украинд танк нийлүүлж байгаа явдлыг өмгөөлж, “Ингэснээр Киевийн зүгээс өөрсдийгөө хамгаалж чадна. Улмаар дайн хурцадмал байдалд шилжихээс хамгаалж байгаа юм” гэжээ.

Эх сурвалж: Politico