Лхагва гарагт ТАСС мэдээллийн агентлагаас мэдээлснээр Оросын өмнөд хэсэг дэх Краснодар мужид газрын тосны нөөцлүүр шатжээ.
Эх сурвалжийн мэдэгдсэнээр, “ТаманНефтеГаз компанийн эзэмшил дэх газрын тосны нөөцлүүр шатсан. Нөөцлүүрийн хувьд нийт 20,000 шоо метр газрын тосны бүтээгдэхүүнийг агуулж байсан.
Нөөцлүүрт гарсан галыг гамшгийн зэргээр дөрөвдүгээр буюу хамгийн өндөр зэргийн аюултай гэж тодорхойлоод байгаа” гэсэн юм.
Харин галын шалтгаан нь дрон нөөцлүүрийг мөргөсөнтэй холбоотой ажээ. Галын дуудлага лхагва гарагийн үүрээр онцгой байдлын албанд ирсэн байна. Улмаар гал унтраах ажиллагаанд нийт 190 гаруй хүн хүч, таван галт тэрэг оролцож байгаа юм.
Эх сурвалж: ТАСС