Лхагва гарагт гоо сайхны бараа бүтээгдэхүүн борлуулагч Ulta Beauty брэндийн гүйцэтгэх захирал Дэйв Кимбелл хөрөнгө оруулагч нарын бага хурлын үеэр энэ төрлийн бараа бүтээгдэхүүний эрэлт буурч байгаа талаар дурдсаны дараагаар хувьцааны зах зээлд тус брэндийн нэгж хувьцааны үнэлгээ 13 хувиар буурчээ.

CNBC сувгаас мэдээлснээр эл мэдэгдлийн дараагаар дан ганц Ulta Beauty брэндийн нэгж хувьцааны үнэлгээ буураагүй гэсэн юм. Тодруулбал, E.L.F Beauty, Estee Lauder, Coty зэрэг брэндүүдийн нэгж хувьцааны үнэлгээ ч мөн унасан ажээ.

Ноён Кимбеллийн хэлснийг хүргэвэл, “Гоо сайхны салбар дахь эргэлт удааширч байгаа нь харагдаж байгаа. Энэ он гарсан хойно, хэдхэн долоо хоногийн өмнө бид жилийн гүйцэтгэлээ ярилцахад, гоо сайхны салбарыг харьцангуй тэсвэртэй байна гэж найдаж байсан. Гоо сайхны салбарын хувьд өнгөрөгч хэдэн жилийн туршид өсөлт өндөртэй, зах зээлийн шуурганд тэсвэртэй байсаар ирсэн. Бидний зүгээс салбарын өсөлт өмнөх шиг тийм өндөр байхгүй гэдгийг мэдэж байсан” гэжээ.

Эх сурвалж: CNBC