Твиттер цахим сүлжээ Lancy гэх цэнхэр шувууны логогоор олноо хэдийн танил болсон билээ.

Тэгвэл даваа гарагт тус компанийн гүйцэтгэх захирал Линда Яккарино цэнхэр шувууг халж, шинэ логотой болох гэж буйгаа танилцуулжээ. Үүний учир нь саяхан тус компанийн эзэн Илон Маск логог солих хүсэлтэй байгаагаа илэрхийлсэнтэй холбоотой юм.

Улмаар даваа гарагт хатагтай Яккариногийн нийтэлснээр, “X энд ирлээ! Бүгдээрээ үүнийг хийцгээе” гэсэн байна.

Үйл явдлын хүрээнд ноён Маскийн зүгээс өөрийн зургийг хар дэвсгэр дээрх цагаан X тэмдэгт зургаар сольсон бөгөөд өөрийн бүртгэл дээр “X.com” гэх өргөтгөлийг оруулжээ.

Хэвлэлийнхний мэдээлж байгаагаар Илон Маск Твиттерт ре-брэндинг хийж, X гэх супер аппликейшныг бүтээх хүсэлтэй байгаа гэсэн юм.

Эх сурвалж: BBC