Лхагва гарагт АНУ-ын Төв банк болох ХНС хуралдсан билээ. Улмаар хурлын хүрээнд тэд бодлогын хүүгээ сүүлийн 22 жилийн хугацаан дахь хамгийн өндөр хувьд хүргэхээр шийдвэрлэсэн байна.

Бодлогын хүүг тэд 25 суурь нэгжээр нэмсэн бөгөөд өдгөө тус улсын бодлогын хүү 5.25-5.50 хувьд хэлбэлзэх болсон юм.

ХНС-ийн уг шийдвэр Ройтерс агентлагаас гаргасан санал асуулгын дүнтэй яг таарсан байна.

Үйл явдлын хүрээнд ХНС-ийн тэргүүн Жероми Пауэллын хэлснээр, “Бидний хувьд тоон мэдээлэлд үндэслэн есдүгээр сард бодлогын хүүгээ ахин нэмэх магадлалтай байна. Гэхдээ бодлогын хүүг нэмэхгүй байх ч боломжтой” гэсэн юм.

Харин шинжээчдийн зүгээс ХНС-г инфляцын эсрэг хангалттай арга хэмжээ авсан гэж үзжээ.

Эх сурвалж: BBC