Яндексийг үүсгэн байгуулагчдын нэг Аркадий Волож ОХУ-ын Украинд өдөөсөн дайныг “зэрлэг” хэмээн тодорхойлжээ.
Сүүлийн үед олон нийтийн зүгээс Аркадий Воложийг дайны хүрээнд дуу хоолойгоо хүргэхгүй байна гэж шүүмжлэх болсон юм. Тэгвэл пүрэв гарагт ноён Волож уг асуудлын хүрээнд нэгэн мэдэгдлийг гаргажээ.
Түүний хэлснээр, “ОХУ-ын Украиныг эзлэн түрэмгийлж буй явдал бол зэрлэг үйлдэл. Миний хувьд дайныг эсэргүүцэж байгаа.
Би хэдийгээр 2014 онд Израил улсад суурьших болсон ч ОХУ-ын эл үйлдлийн хариуцлагыг би хүлээлцэх учиртай.
Энэ бүх хугацаанд чимээгүй байсан минь учир шалтгаантай. Энэхүү мэдэгдлийг яагаад одоо хийх болсон минь асуулт дагуулах хэдий ч мэдэгдлийн гол санааны хүрээнд асуулт ургах учиргүй. Би дайныг эсэргүүцэж байгаа.
Өдөр бүр украинчуудын орон гэр олноор бөмбөгдөлтөд өртөж байгаад би хувьдаа хирдхийж байна” гэжээ.
Эх сурвалж: BBC