Мягмар гарагт ТАСС мэдээллийн агентлагаас мэдээлснээр 2022 онд ОХУ дахь саятнуудын тоо 408,000 болж өсжээ. Энэ нь 2021 оноос даруй хагас саяар илүү үзүүлэлт юм.

Швейцарын UBS банкнаас гаргасан тайлангаас үзвэл өнгөрөгч онд АНУ-ын нийт хувийн хөрөнгө 5.9 их наяд ам.доллароор буурсан бол ОХУ-ын хувьд нийт 600 тэрбум ам.долларын өсөлттэй гарсан гэнэ. Харин олон улсын хэмжээнд авч үзвэл хувь хүмүүсийн хөрөнгө нийт 11.3 их наяд ам.доллароор буурч, 454.4 их наяд ам.долларт хүрсэн гэжээ.

Улмаар UBS банкнаас хэлснээр хувь хүмүүсийн хөрөнгийн хэмжээ цаашид ч буурна гэсэн юм. Үүний шалтгаан нь ам.долларын бусад валюттай харьцах ханш өсөж, ам.доллароос бусад валют суларч байгаатай холбоотой ажээ.

Эх сурвалж: ТАСС