Өнгөрөгч долоо хоногт олон улсын зах зээлд рублийн ам.доллартой харьцах ханш огцом унаж, сүүлийн 16 жилийн хугацаан дахь доод хэмжээнд хүрсэн билээ. Улмаар ОХУ-ын Төв банк яаралтай хуралдаан зарлаж, бодлогын хүүгээ өсгөх арга хэмжээ авсан юм. Тийнхүү яаралтай хуралдааны дараагаар ОХУ-ын бодлогын хүү 12 хувьд хүрсэн.
Уг шийдвэрийн дараагаар рублийн гадаад валюттай харьцах ханш сэргэж эхэлсэн билээ.
Тэгвэл даваа гарагт Москвагийн Арилжааны цонх нээгдэхэд еврогийн рубльтэй харьцах ханш унаж, ам.долларын рубльтэй харьцах ханш өссөн байна.
ТАСС мэдээллийн агентлагаас мэдээлснээр ам.долларын рубльтэй харьцах ханш 24.5 копейкээр өссөн бол еврогийн рубльтэй харьцах ханш 28.5 копейкээр буурсан гэнэ. Улмаар даваа гарагийн 12 цагийн байдлаар нэг ам.долларыг 94 рублиэр худалдан авах болсон бол нэг еврог 101.63 рублиэр худалдан авах болжээ.
Эх сурвалж: ТАСС