Баасан гарагт Ройтерс агентлагаас мэдээлснээр япон иений ам.доллартой харьцах ханш унаснаар Япон улс цэргийн зардалд төсөвлөөд байсан мөнгөө танах болжээ.
Засгийн газрын зүгээс өнгөрөгч оны арванхоёрдугаар сард цэргийн зардалд нийт 320 тэрбум ам.долларыг төсөвлөж байсан ч тус төсвийг танилцуулснаас хойш иений ам.доллартой харьцах ханш даруй 10 хувиар суларсан юм. Тийнхүү Ройтерс агентлаг холбогдох хүмүүсээс тодруулга авахад, албаныхан нэн тэргүүнд 2024 онд худалдан авах агаарын хөлгийн тоогоо танана гэжээ.
Иений ам.долларын харьцах ханшийн хувьд баасан гарагийн 18:00 цагийн байдлаар 1 ам.доллароор 150.30 иенээр худалдан авахаар байгаа юм.
Үйл явдлын хүрээнд Ройтерс агентлагийн зүгээс Япон улсын Батлан хамгаалах яам, Токио дахь АНУ-ын Элчин сайдын яам, Пентагонтой холбогдож, тайлбар хүссэн ч тэд ямар нэг мэдэгдэл хийхээс татгалзжээ.
Эх сурвалж: The Reuters