Ням гарагт Дагестаны нисэх онгоцны буудалд Израиль улсаас ирсэн агаарын хөлөг дөнгөж газардаад байхад Израилийг эсэргүүцэгч зуу зуун жагсагч нисэх буудал руу дайран орж, аюулгүй байдлын албаныхан нисэх буудлыг хааж, жагсагчдыг албадан гаргахаас өөр аргагүй нөхцөл байдал үүсжээ.
Улмаар албаныхны мэдээлснээр Махачкала нисэх буудалд үүссэн нөхцөл байдлын хүрээнд аюулгүй албаныхан жагсаалыг тараахаас өмнө нийт 20 хүн бэртэж гэмтсэн гэсэн байна. Харин Израилиас ирсэн зорчигчдын биеийн байдал ямар байгааг тодруулахад тэдний хэлснээр, зорчигчид аюулгүй байсан гэжээ.
Тийнхүү үйл явдлаас үүдэн Дагестаны засгийн газар даваа гарагийн өглөө хуралдсан бөгөөд тэдний шийдвэрлэснээр бүгд найрамдах улсын хүрээнд аюулгүй байдлыг хангахаар авч хэрэгжүүлж буй арга хэмжээгээ чангатгах байсан юм.
ОХУ-ын хувьд энэ төрлийн жагсаал дан ганц Дагестанд болж өнгөрөөгүй гэнэ. Тодруулбал, хойд Кавказад ч энэ мэтээр Палестиныг дэмжигчид жагсаж байгаа бөгөөд бүсийн захирагч нарын зүгээс ард иргэдээсээ тайван байхыг хүсээд байгаа ажээ.
Эх сурвалж: The Reuters