ОХУ-ын ерөнхийлөгч Владимир Путин ирэх онд зохион байгуулагдах Ерөнхийлөгчийн сонгуульд өрсөлдөхөөр шийдсэн тухай гадаадын томоохон хэвлэл мэдээллийн агентлагууд олон эх сурвалжаас иш татан мэдээлэв. ОХУ-ын Ерөнхийлөгчийн сонгууль ирэх оны гуравдугаар сарын 24-ний өдөр болох юм.
Гадаадын томоохон хэвлэл мэдээллийн агентлагууд энэ талаар сайн мэдэх зургаан эх сурвалжаас мэдээлэл авсны үндсэн дээр ийнхүү мэдээлсэн бөгөөд бүх эх сурвалж нэрээ нууцлахыг хүссэн болохыг тайлбарласан байна.
Эх сурвалжууд ерөнхийлөгч Путин энэхүү шийдвэрийг гаргасан талаар мэдээлээд зогсохгүй түүний туслахууд сонгуулийн сурталчилгаа болон бэлтгэл ажлаа аль хэдийн базааж эхэлсэн талаар онцолсныг хэвлэл мэдээллийн агентлагууд цохон тэмдэглэв.
Нэмж дурдахад, ерөнхийлөгч Путины рейтинг одоогийн байдлаар 80 орчим хувьтай байгаа тул ирэх жилийн сонгуульд улиран сонгогдох нь гарцаагүй хэмээн гадаадын томоохон мэдээллийн хэрэгслүүд мөн таамаглажээ.
Хэрэв энэ удаагийн сонгуулиар тэрээр улиран сонгогдсон тохиолдолд 2030 он хүртэл дахин зургаан жил засгийн эрхийг барих юм. 1999 оны арванхоёрдугаар сарын 31-ний өдөр маш гэнэтийн байдлаар огцорсон ерөнхийлөгч асан Борис Ельциний халааг авснаас хойш өнөөдрийг хүртэлх 24 жилийн хугацаанд 2008-2012 оны хооронд л өөрийн ойрын хүн болох Үндэсний аюулгүй байдлын зөвлөлийн дэд дарга Дмитрий Медведевт ерөнхийлөгчийн суудлаа шилжүүлж байсан аж. Харин үүнээс бусад хугацаанд тэрээр төрийн эрхийг тасралтгүй барьж байгаа билээ.
Эх сурвалж: Asiae
Амьд явах хугацаа энэ фашист өвгөнд бага үлдсэн, Энэ өвгөнийг засагласан 24 жилд Орос хүн ам 20 хувиар хорогдсон байгаа.