Цагаан Ордноос Дивали буюу гэрлийн наадмыг угтан энэ лхагва гарагт тус баярыг зохион байгуулахаар төлөвлөж, орон орны нөлөө бүхий хүмүүст урилга илгээжээ.
Улмаар зочдын жагсаалтад Канадын яруу найрагч Рупи Каур ч багтсан байна. Гэвч тэрээр Израиль-Хамасын дайнд ерөнхийлөгч Байдены засгийн газрын авч хэрэгжүүлж буй арга хэмжээг эсэргүүцэхдээ тус урилгаас татгалзжээ.
Энэ талаар тэр өөрийн цахим хуудаснаа мэдэгдсэн бөгөөд түүний нийтэлснээр, “энгийн иргэдийг олноор шийтгэх явдлыг дэмждэг байгууллагаас ирсэн ямар ч урилгыг хүлээн авахгүй” гэсэн юм. Тийнхүү яруу найрагчийн зүгээс АНУ-ыг палестинчуудын эсрэг геноцид явуулахыг зөвтгөж байна хэмээн буруутгаж буйгаа олон нийтэд илэрхийлжээ.
Эх сурвалж: BBC