Балба улс TikTok платформыг нийтийн эв эед сөргөөр нөлөөлж байна гэж үзсэний улмаас хориглох болжээ.

Тийнхүү шийдвэрийн хүрээнд тус улсын Харилцаа холбоо, мэдээллийн технологийн сайд Реха Шармагийн хэлснээр TikTok платформ нь хорлонтой контент түгээдэг гэсэн бөгөөд хориг нь нэн даруй хүчинтэй хэрэгжинэ гэжээ. Улмаар Реха Шармагийн зүгээс харилцаа холбооны байгууллагуудын удирдлагуудад шийдвэрийг нэн даруй хэрэгжүүлэх үүрэг өгсөн гэсэн юм.

Гэвч Балбын Конгрессын тэргүүн удирдагч Гаган Тапа засгийн газрын эл шийдвэрт эргэлзэж буйгаа мэдэгдсэн байна. Түүний үзэж байгаагаар засгийн газраас уг платформыг хориглож, хүмүүсийн үгээ хэлэх эрх чөлөөнд халдаж байхын оронд платформын үйл ажиллагааг хуулиараа зохицуулах хэрэгтэй байсан гэжээ.

Эх сурвалж: BBC