Nihon Keizai Shimbun сонины мэдээлснээр, Японы Тоyota Motors компанийн зах зээлийн үнэлгээ сүүлийн долоон жил хагасын хугацаанд анх удаа Samsung Electronics-ийг давж, Азийн хөрөнгийн зах зээл дэх компаниуд дунд хоёрдугаарт жагсжээ.

Өчигдөр Токиогийн хөрөнгийн зах зээл дээр Toyota-ийн хувьцааны үнэ өмнөх өдрийнхтэй харьцуулахад 0.1 хувиар, Samsung Electronics-ийн хувьцааны үнэ 1.35 хувиар буурсан байна. Улмаар Toyota компанийн зах зээлийн үнэлгээ мөн өдрийн хаалтын ханшаар ойролцоогоор 490 их наяд вонд хүрснээр 436 их наяд воноор үнэлэгдэж буй Samsung Electronics-оос 54 их наяд воноор илүү болжээ.

Сонирхуулахад тус компани хамгийн сүүлд долоон жил хагасын өмнө Samsung Electronics-оос зах зээлийн үнэлгээгээрээ давж байсан юм. Хэвлэл мэдээллийн агентлагийн зүгээс ийнхүү амжилттайгаар зах үээлийн үнэлгээгээ нэмэгдүүлж чадсан шалтгааныг иенийн ханш сул байгаагийн ачаар гүйцэтгэл сайжирсан хэмээн тайлбарласан юм.

Тоyota Motors компани нь өнгөрсөн онд дэлхий даяар 11.23 сая шинэ машин борлуулсан амжилтаараа дөрөв дэх жилдээ дэлхийд тэргүүлсэн билээ.

Зах зээлийн үнэлгээгээр Азидаа хамгийн томд тооцогддог компани бол хагас дамжуулагч үйлдвэрлэлийн салбартаа дэлхийд тэргүүлэгч Тайванийн TSMC бөгөөд ойролцоогоор 769 их наяд воноор үнэлэгддэг байна.

Эх сурвалж: MBC