Украины тал орон нутгийн цагаар 22-ны өдөр Европын холбооноос 1.5 тэрбум еврогийн санхүүгийн нэмэлт дэмжлэг авснаа зарлав.

Украины Сангийн яам мөн өдөр хийсэн мэдэгдэлдээ "Бид Европын холбооноос 10 дахь удаагийн томоохон хэмжээний санхүүгийн дэмжлэгийг хүлээн авлаа” хэмээн цохон тэмдэглэсэн байна.

Энэ оны байдлаар Европын холбооноос авсан Украины санхүүгийн дэмжлэгийн нийт хэмжээ 16.5 тэрбум еврод хүрээд байгаа бөгөөд энэ оны эцэс гэхэд 18 тэрбум еврогийн дэмжлэг үзүүлэх төлөвлөгөөг зарлаж байсан билээ.

Уг зээлийн эргэн төлөлтийн хугацаа нь 35 жил бөгөөд Европын холбооны гишүүн орнууд зээлийн хүүг хариуцаж, Украин зөвхөн үндсэн зээлээ төлдөг аж.

"Хэрэв хоёр талын тохиролцсон нөхцөл хангагдсан тохиолдолд бид ирэх сард энэ оны сүүлчийн нэмэлт санхүүгийн дэмжлэгийг хүлээн авна гэж найдаж байна" хэмээн Украины Сангийн яамны зүгээс нэмэлт тайлбарыг хийжээ.

Украин улс өнгөрсөн оны хоёрдугаар сард Оросын халдан түрэмгийлэлд өртөж, дайн эхэлснээс хойш Европын холбоо зэрэг гадны орнуудаас нийт 23.7 тэрбум еврогийн санхүүгийн дэмжлэг аваад байгаа билээ.

Эх сурвалж: Yonhap