Мягмар гарагт Хятадын Ардын Банкнаас гаргасан мэдэгдэлд дурдсанаар тэд ипотекийн зээлийн хүүг бууруулах болжээ. Улмаар мэдэгдлийн дагуу тэд ипотекийн хүүг нийт 25 суурь нэгжээр бууруулж байгаа юм. Ингэснээр тус улс дахь ипотекийн зээлийн хүү 3.95 хувь болж байгаа ажээ.

Тэдний зүгээс ипотекийн зээлийн таван жилийн жишиг хүүд өнгөрөгч оны зургаадугаар сараас хойш өөрчлөлт оруулаагүй байсан юм.

Харин Хятадын Төв банкнаас шийдвэрлэснээр тэд ипотекийн зээлийн нэг жилийн жишиг хүүд өөрчлөлт оруулаагүй бөгөөд 3.45 хувь хэвээр үлдээжээ.

Эдийн засагчдын таамаглаж байснаар Хятадын Ардын Банк ипотекийн зээлийн хүүгээ ихдээ 5-15 суурь нэгжээр бууруулна хэмээж байсан бол тийн 25 суурь нэгжээр бууруулсан нь түүхэн дэх хамгийн их бууруулалт болсон байна. Хэвлэлийнхний мэдээлж байгаагаар тэд өнгөрөгч зургаадугаар сард ипотекийн зээлийн хүүг бууруулахдаа 10 суурь нэгжээр л бууруулж байжээ.

Эх сурвалж: CNBC