Иенийн ам.доллартой харьцах ханш дахин түүхэн дээд хэмжээнд хүртлээ унаад байна.
Орон нутгийн цагаар 13-ны өдөр Нью-Йоркийн валютын захад иенийн нэг ам.доллартой харьцах ханш 151.92 болж өссөн нь өнгөрсөн оны 10-р сарын 21-нд 151.94 иентэй тэнцэж байсан үетэй бараг дөхөж очсон юм.
Үүнээс давсан тохиолдолд иенийн ам.доллартай харьцах ханш 1990 оноос хойш буюу сүүлийн 33 жилийн хугацаан дахь хамгийн доод түвшинд хүрэхэд тун ойртоод байна.
Японы Сангийн сайд Шуничи Сүзүки 14-ний өглөө хийсэн хэвлэлийн бага хурлын үеэр валютын ханшийн талаарх асуултад хариулахдаа цаашид ч бүхий л талаар хариу арга хэмжээ авах болно гэдгээ цохон тэмдэглэв.
Тодруулбал эдийн засгийн суурь үзүүлэлтүүдийг харгалзан маш болгоомжтойгоор хариу арга хэмжээ авах нь чухал хэмээн өөрийн байр суурийг илэрхийлсэн байна.
Эх сурвалж: YTN