Мягмар гарагт T-Mobile өөрийн 47.8 сая хэрэглэгчийн мэдээллийг алдсан нь үнэн болохыг баталжээ.

Хакерт алдсан нийт мэдээллийн 7.8 сая нь одоогийн T-Mobile-ийн хэрэглэгчдийнх бол 40 сая мэдээлэл нь өмнөх хэрэглэгчид болоод ирээдүйд T-Mobile-ийн хэрэглэгч болж болох хүмүүсийн мэдээлэл гэнэ.

Хакерын хулгайлсан мэдээлэлд утасны дугаар, дансны дугаар, ПИН код, нууц үг, санхүүгийн мэдээлэл байхгүй гэдгийг тэдний зүгээс хэлж байгаа ч хэрэглэгчдийн овог нэр, төрсөн он сар өдөр, нийгмийн даатгалын дугаар, жолооны үнэмлэхийн мэдээлэл алдагдсан байна.

T-Mobile-ийн зүгээс хэрэглэгчдээ өөрсдийн ПИН кодыг солихыг зөвлөж байгаа бөгөөд нэмэлт хамгаалалтын үйлчилгээг ч санал болгож байгаа ажээ.

Хакерын зүгээс хулгайлсан мэдээллээ 6 Биткоиноор үнэлсэн юм.

Эх сурвалж: Business Insider