ТикТок аппликэйшний хятад хувилбар Douyin БНХАУ дахь бага насны хэрэглэгчдийн ухаалаг төхөөрөмж ашиглалтын цагт хязгаар тогтоож, тус аппликэйшнийг ашиглах нийт хугацааг 40 минутаас хэтрэхгүй байхаар тохируулгатай болгожээ.

ТикТок, Douyin аппликэйшнууд нь удирдлага, үйлдлийн систем, функцийн хувьд нэг ижил боловч ТикТокыг олон улсын зах зээлд харин Douyin-ыг БНХАУ-ын зах зээлд нийлүүлдгээрээ онцлогтой.

Улмаар тус тохиргоо нь 14-өөс доош насны хэрэглэгчдэд хамаарах бөгөөд 06:00-22:00 цагийн хооронд бага насны хүүхдүүд ердөө 40 минут тус аппликэйшнийг хэрэглэж, тухайн зааж өгсөн хугацаанаас хэтэрвэл шинжлэх ухааны туршилт, музейн үзвэрийн танилцуулга, түүхийн хичээл зэрэг боловсрол олгох контентуудыг толилуулах гэнэ. Харин 06:00-22:00 цагаас бусад цагт бага насны хүүхдүүд тухайн аппликэйшн рүү нэвтрэх эрхгүй болох ажээ.

Тухайн тохиргоог идэвхжүүлэх ганц шаардлага нь эцэг эхчүүд хүүхдэдээ хаяг нээхдээ бодит төрсөн он, сар, өдрийг нь оруулж өгөх юм.

Эх сурвалж: Fox Business